حذرونى كتير من الحب وقالولى ان كله جراح
قولت لازم اعيش واحب لقيت قلبى من الحب راح
راح وتاه ومش لاقيه بعد العذاب اللى شوفته بيه
وندمت انى عرفت الحب وماصدقتش اللى اتحكى عليه
ايوة الحب كله جراح ومالوش دوا ولا ليه طبيب
عمره مايخليك ترتاح ولا مرة يقرب الحبيب
ليه ياناس كلمة وداع دايما هى شعار الحب
ليه الحب على طول فى ضياع ليه دايما مكسورين القلب
وقولت ايه يادنيا ايه اخرة عذابنا فى الحب ايه
وسألت كل الدنيا دى هو الحب ياناس كده ليه
ولا خدت رد من اى حد طلع كله مجروح بجد
لقيت كله عايش وحيد وبيقاسو من نار البعد
وقولت لازم انسى حبى وكنت خلاص قربت انساه
لقيت ياناس بيقولى قلبى هتعيش ازاى وانت مش معاه
خلاص تعبت منك ياحب ومن اللى قلبى حس بيه
خلاص زهقت ومش هحب وهعيش على ذكرى حبى ليه
السبت يناير 12, 2008 7:51 pm
