التلاتة معايا حكايتهم حكاية
هقول كل حاجة واللى حصل ويايا
اول واحدة انا حبتها ضيعت بنا كل شىء
ذنب قلبى انه كان عاشقها وانه عاش ليها برىء
خانتنى ولعبت بيا عارفين خانت مع مين
مع اقرب صاحب ليا الاتنين خاينين
قلبى قاللى ابعدها عنك واياك تبكى يوم عليها
ماتستاهلش الدمعة منك نسيتها وحبيت بعديها
ولما حبيت مرة تانية حبيت بس ياناس بقلبى
مافكرتش ولو حتى ثانية محسبتهاش خالص بعقلى
كان لازم اعرف ان هى مستحيل هتكون ليا
مستحيل تعيش بيا ولاهتكون بين ايديا
بعدت عنى عشان انسى قولت لقلبى ليه لسه
هتحبها تانى ماخلاص لازم تقوى ولازم تأسى
ونسيتها ونسيت حبها وحبيت تانى بعدها
وقولت المرة ديا مش هبعد ابدا عنها
قولت الدنيا خلاص ضحكتلى قولت هى دى حبيبتى
ولما جاتلى وقالتلى انى بحبك ياحب عمرى
قولت اخيرا الفرح جانى قولت اخيرا هبدأ أعيش
وفجأة ضاعت كل الامانى قدرى الدنيا متفرحنيش
حلمنا بكل شىء وقولنا احنا لبعض
ورسمنا لبعض طريق ووعدنا بعض بوعد
انتهى الطريق بالجراح اللى حلمنا بيه كله راح
دايما يازمن دباح عمرك ماهتخلينى ارتاح
ادى حكايتى اهى ياناس قولت فيها كل اللى بيا
عايش حياتى دى وخلاص اعيش اموت هى هى
السبت يناير 12, 2008 7:50 pm
