ايه جابك ليا تانى جاى قال بيقول عشانى
وبيبكى وبيقولى سامحنى نسى كمان انه بكانى
جاى دلوقتى بتقولى راجع وعايزنى انسى بسهولة واعيش
لا ياحبيبى ده جرحك واجع وفى قلبى والله مايتنسيش
ابعد عنى خلاص وانسانى ماتفكرش انى ارجع تانى
ولا تحلم تبقى فى احضانى مش هعيش مع قلب انانى
قلب جرحنى وذل فية ولا همه زمان دموع عينية
عايز دلوقتى ترجع لية لا صدقنى صعب علية
صعب الرجوع تانى اليك ببكى كلما اشوف عينيك
بفتكر جرحك ليا زمان وعذاب قلبى اللى عاش ليك
بجد مش حاسس حاجة منك لازم امشى وابعد عنك
هحب تانى وهعيش بعدك شوف حد غيرى يبقى فى قلبك
كرهتك اه ونسيتك وندمت انى حبيتك
ندمان على سنينى زمان ايام فى قلبى ماحطيتك
خلاص دلوقتى كله انتهى وخلصت كل اللى عندى
سيبنى وامشى وانسى بقى واوعى تحلم ترجع لقلبى
السبت يناير 12, 2008 7:50 pm
